Հոկտեմբերի 27-ի գործով դատապարտյալը վիրահատվել է Վազգեն Մանուկյանի միջամտության շնորհիվ
168.am-ի տեղեկություններով, քիչ առաջ Նորք Մարաշ բժշկական կենտրոնում (որն առավել հայտնի է որպես սրտաբանական կենտրոն) ավարտվել է Հոկտեմբերի 27-ի գործով ցմահ դատապարտված Էդիկ Գրիգորյանի սրտի վիրահատությունը: Բժիշկները վիրահատության ընթացքը գնահատել են բարեհաջող, իսկ հիվանդի վիճակը՝ բավարար:
Էդիկ Գրիգորյանը տևական ժամանակ վիրահատւթյան կարիք ուներ, սակայն ո՛չ Առողջապահության և ո՛չ էլ Արդարադատության նախարարությունները չէին ընդառաջում կալանավորի դիմումներին՝ նրա բուժման համար անհրաժեշտ 4 միլիոն դրամը հատկացնելու հարցում: Սակայն այդ գումարն, ի վերջո, հատկացվել է. 168.am-ի տեղեկություններով գումարը հատկացնելու որոշման կայացման գործում զգալի ավանդ է ունեցել Հանրային խորհրդի նախագահ Վազգեն Մանուկյանը:
