Ռուսաստանում 2013թ. առաջին կիսամյակում 200 պաշտոնյա է աշխատանքից ազատվել կոռուպցիայի պատճառով
РИА Новости-ի փոխանցմամբ` 2013թ. առաջին կիսամյակում գրեթե 200 պետական ծառայող է աշխատանքից ազատվել` կոռուպցիոն հանցագործությունների պատճառով, հայտարարել է Ռուսաստանի աշխատանքի եւ սոցիալական պաշտպանության նախարար Մաքսիմ Տոպիլինը` ՌԴ նախագահին կից կոռուպցիայի հակազդման հարցերով խորհրդի նիստում:
Նա նշել է, որ դաշնային մարմիններում վստահությունը կորցնելու պատճառով աշխատանքից ազատվել է 163 ծառայող, Ռուսաստանի սուբյեկտների պետական իշխանության եւ տեղական ինքնակառավարման մարմիններում` 32 ծառայող:
Ռուսաստանի Գերագույն դատարանի ներկայացուցիչները հայտնել են, որ անցած տարի կոռուպցիայի համար դատապարտվել է 6 հազար մարդ, իսկ 2013թ. առաջին կիսամյակում` 3,6 հազար:
