Թուրքիայի կառավարությունը թանկ կվճարի ծայրահեղականներին օգնելու համար. Բաշար Ասադ
Թուրքական Halk TV հեռուստաալիքին տված հարցազրույցի ժամանակ Սիրիայի նախագահ Բաշար Ասադը հայտարարել է, որ Թուրքիան թանկ է վճարելու Սիրիայում գործող ահաբեկիչներին աջակցելու համար. «Թուրքիայի կառավարությունը թանկ կվճարի ծայրահեղականներին օգնելու համար:
Ահաբեկչությունը չի կարելի օգտագործել որպես խաղաքարտ, որը կարելի է յուրաքանչյուր պահի թաքցնել գրպանում: Դա մի կարիճ է, որը սպասում է միայն հարմար պահի՝ խայթելու համար»:
Հիշեցնենք, որ օրեր առաջ թուրքական Todays Zaman թերթը գրել էր, թե Սիրիայի ծայրահեղականները վերջնագիր են ներկայացրել Թուրքիայի վարչապետ Ռեջեփ Էրդողանին մինչև հոկտեմբերի 7-ը՝ Բաբ ալ-Խավա և Բաբ էլ-Սալամե սահմանային անցակետերը բացելու համար: Նրանք սպառնացել էին հակառակ դեպքում ահաբեկչություններ իրականացնել Անկարայում ու Ստամբուլում՝ ստանձնելով մայիսին Ռեյհանլըում կատարված ահաբեկչության պատասխանատվությունը:
