Ժողովրդավարական բարեփոխումների նոր փաթեթը կարող է օրինակ ծառայել ԵՄ-ի համար. Էրդողան
Թուրքական TRT Haber հեռուստաալիքի փոխանցմամբ՝ Թուրքիայի վարչապետ Ռեջեփ Էրդողանը հայտարարել է, որ Թուրքիայում ընդունված ժողովրդավարական բարեփոխումների նոր փաթեթը կարող է «օրինակ ծառայել» ԵՄ-ի համար:
Էրդողանի խոսքերով՝ Թուրքիայում բնակվող մյուս ազգությունների ներկայացուցիչներին մայրենի լեզվով սովորելու հնարավորության ընձեռումը երկրի առջև կբացի վիթխարի հեռանկարներ կրթական ոլորտում:
Նա հիշեցրել է, որ եվրոպական երկրներում բնակվում է 5 միլիոն թուրք, որոնց սակայն չի ընձեռվել մայրենի լեզվով սովորելու իրավունք, ինչը ԵՄ-ի օրենսդրական բացթողումն է:
Էրդողանը ժողովրդավարական բարեփոխումների փաթեթը ներկայացրել էր սեպտեմբերի 30-ին:
