2012 թվականից Իտալիայում փակվել է 10.000 ռեստորան
Euromag-ի փոխանցմամբ՝ տնտեսական տևական ճգնաժամի պատճառով 2012 թվականից Իտալիայում փակվել է 10.000 ռեստորան: Փորձագետների գնահատմամբ՝ այդ բացասական միտումը կարող է շարունակվել նաև այս տարվա ընթացքում:
2013 թվականին Իտալիայում իր աշխատանքներն է դադարեցրել մոտ 5000 հանրային սննդի օբյեկտ: Այդ ընթացքում գաստրոնոմիայի ոլորտում առևտրի շրջանառության ծավալն անկում է ապրել 4 տոկոսով՝ կազմելով մոտ 2.5 միլիարդ եվրո:
Իտալացիները սիրում են լավ սնվել և ընկերական շրջապատում լավ ժամանակ անցկացնել փոքրիկ, հարմարավետ ռեստորանում: Նրանք ռեստորաններում, սրճարաններում ու պիցցերիաներում ծախսում են ընդհանուր առմամբ մոտ 73 միլիարդ եվրո: Դա կազմում է սնման ընտանեկան բյուջեի մոտ 35 տոկոսը:
