Ասադը փորձում է ժամանակ շահել. Էրդողան
Թուրքական Doğan լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանն այսօր խստապես քննադատել է Սիրիայի նախագահ Բաշար Ասադին. «Սիրիական վարչակարգը փորձում է ժամանակ շահել՝ խոստանալով քիմիական զենքը դնել միջազգային վերահսկողության ներքո:
Ցայսօր Ասադը չի կատարել իր որևէ խոստում: Մենք չենք հավատում նրան նաև քիմիական զենքը միջազգային վերահսկողության տակ դնելու հարցում: Սիրիական վարչակարգը պետք է պատասխան տա իր իրականացրած սպանությունների համար՝ անկախ նրանից, թե դրանք արվել են սովորական կամ քիմիական զենքի օգնությամբ:
Մահը մահ է, կապ չունի, թե ինչ զենք է կիրառվել, և Ասադի վարչակարգը պետք է պատասխան տա դրա համար»:
