Իշխանին կվերանշանակե՞ն
«Հայկական ժամանակը» գրում է. «Այս տարվա նոյեմբերի 5-ին լրանում է վերահսկիչ պալատի նախագահ Իշխան Զաքարյանի լիազորությունների ժամկետը։ Հիշեցնենք, Զաքարյանը ՎՊ նախագահ էր դարձել 2007թ. նոյեմբերի 5-ին։ Ըստ գործող օրենսդրության, Վերահսկիչ պալատի նախագահի թեկնածությունը խորհրդարանին է ներկայացնում երկրի նախագահը, իսկ Ազգային ժողովը որոշում է հաստատել կամ չհաստատել այդ թեկնածությունը (փակ գաղտնի քվեարկությամբ)։ Խորհրդարանի կուլիսներում խոսվում է, որ Սերժ Սարգսյանն, ամենայն հավանականությամբ, Իշխան Զաքարյանին կվերաառաջադրի նույն պաշտոնում, իսկ այլ թեկնածուի անուն` գոնե առայժմ չի շրջանառվում»։
