Քաղաքացիական համազգեստով անձինք բերման ենթարկեցին Արգիշտի Կիվիրյանին

Ոստիկանության Արաբկիրի բաժանմունքի մոտ հավաքված ակտիվիստներն այժմ սպասում են Նախագահական նստավայրի մոտից բերման ենթարկված իրենց ընկերներին: NEWS.am-ի թղթակիցը հաղորդում է, որ քիչ առաջ Արաբկիրի ոտսիկանության դիմաց Armeniatoday-ի համակարգող Արգիշտի Կիվիրյանին մոտեցան քաղաքացիական համազգեստով մի խումբ մարդիկ, որոնցից մեկը, առանց անուն, ազգանուն նշելու,ներկայացավ ոստիկանական բաժանմունքի բաժնի պետի տեղակալ եւ հրավիրեց Արգիշտի Կիվիրյանին «մի կողմ զրուցելու»: Armeniatoday-ի համակարգողն ասել է, որ ինքը կխոսի միայն հրապարակավ, նրան խնդրեցին մտնել ոստիկանական բաժանմունք և այնտեղ խոսել, սակայն Արգիշտի Կիվիրյանը խնդրել է իր տուն ուղարկել գրավոր զեկուցագիր եւ այդպես հրավիրել բաժանմունք: