Երևանում կարող են հայտնվել Մոսկվայի պետական համալսարանի մասնաճյուղն ու ռուսալեզու գիմնազիա. Պուտին
Ռուսական РИА Новости լրատվական գործակալության փոխանցմամբ՝ Երևանում կարող են հայտնվել Մոսկվայի պետական համալսարանի մասնաճյուղն ու ռուսալեզու գիմնազիա: Այս մասին Հայաստանի նախագահ Սերժ Սարգսյանի հետ բանակցությունների արդյունքներով լրագրողների հետ զրույցում հայտարարել է Ռուսաստանի նախագահ Վլադիմիր Պուտինը:
Պուտինը հիշատակել է, որ արդեն իսկ գոյություն ունի երկու երկրների միջև կրթական ոլորտում հաջող համագործակցության փորձ: Խոսքը գնում է Հայ-ռուսական (սլավոնական) համալսարանի և Հայաստանում ռուսական բուհերի վեց մասնաճյուղերի բացման մասին, որոնցում ուսանում է ավելի քան 2000 ուսանող:
