Հազարավոր մարդիկ են տուժել կոսմետիկայի ճապոնական ընկերության արտադրանքից
Կոսմետիկայի արտադրության «Kanebo» ճապոնական ընկերությունը հայտարարել է, որ ավելի քան 8600 մարդ բողոքել է ընկերության` մաշկը սպիտակեցնող քսուքից, հաղորդում է ճապոնական NHK հեռուստաընկերությունը:
Երկուշաբթի ընկերությունը հայտնել է, որ շարունակում է քննարկել ստացված բողոքները: Ընկերությունը հուլիսից սկսել էր ետ կանչել արտադրանքը, արդեն իրականացվել է շուրջ 605 հազար միավորի ետկանչ, եւ առաջիկայում գործընթացը կավարտվի:
