Մեծ Բրիտանիայի խորհրդարանում չի անցկացվի կրկնակի քվեարկություն՝ կապված Սիրիայի հետ
Բրիտանական The Guardian թերթի փոխանցմամբ՝ Մեծ Բրիտանիայի խորհրդարանում չի անցկացվի կրկնակի քվեարկություն՝ կապված Սիրիայում ռազմական միջամտություն իրականացնելու խնդրի հետ: Այս մասն հայտարարել է Մեծ Բրիտանիայի արտգործնախարար Ուիլյամ Հեյգը.
«Ես անհրաժեշտություն չեմ տեսնում միևնույն թեմայի շուրջ յուրաքանչյուր օր կամ շաբաթ քվեարկություն անցկացնելու: Խորհրդարանն արդեն իսկ քննարկել է Սիրիայում ռազմական միջամտություն իրականացնելու հարցը և հայտնել է իր դիրքորոշումը:
Մեծ Բրիտանիան հետագա քայլեր ձեռնարկելուց առաջ սպասում է ՄԱԿ-ի՝ քիմիական զենքի գծով փորձագետների հետաքննության արդյունքներին: Լոնդոնը դեռ շարունակում է Սիրիական հակամարտությունը քննարկել ՄԱԿ ԱԽ-ում»:
Հեյգը հայտարարել է, որ մտադիր է լքել զբաղեցրած պաշտոնը՝ կապված խորհրդարանի կողմից Սիրիայի հարցում Մեծ Բրիտանիայի դաշնակիցներին, առաջին հերթին ԱՄՆ-ին չաջակցելու մասին որոշում ընդունելու հետ:
