Իսրայելն ու Պաղեստինը բանակցել են Երուսաղեմում
France-Presse լրատվական գործակալության փոխանցմամբ՝ Իսրայելի ու Պաղեստինի պատվիրակություններն այսօր անցկացրել են խաղաղության բանակցությունների հերթական փուլը: Այն տեղի է ունեցել Երուսաղեմում: Այս մասին հայտարարել է պաղեստինյան իշխանությունների ներկայացուցիչը:
Իսրայելա-պաղեստինյան բանակցությունների նախորդ փուլն անցկացվել է օգոստոսի 14-ին՝ լիովին գաղտնի պայմաններում: Մասնակիցների գնահատմամբ՝ այն բովանդակության հարցում ստացվել է «լուրջ»:
Իսրայելա-պաղեստինյան բանակցությունները եռամյա ընդմիջումից հետո վերսկսվել են հուլիսի վերջին Վաշինգտոնում: Իսրայելա-պաղեստինյան հակամարտությունը շարունակվում է արդեն 65 տարի:
