Ռազմածովային ուժերի հրամանատարի իրանական այցը միայն հետաձգվել է. Ադրբեջանի ՊՆ
Ադրբեջանական APA լրատվական գործակալության փոխանցմամբ՝ Ադրբեջանի ՊՆ-ը հայտարարություն է տարածել՝ կապված ռազմածովային ուժերի հրամանատար, փոխծովակալ Շահին Սուլթանովի չկայացած իրանական այցի հետ:
Ադրբեջանի ՊՆ-ի մամլո ծառայության պետ, գնդապետ Էլդար Սաբիրօղլուն հայտարարել է, որ Սուլթանովի իրանական այցը ոչ թե չեղյալ է հայտարարվել, այլ հետաձգվել է: Նա հավելել է, որ ժամկետի ճշգրտումից հետո Սուլթանովը կայցելի Իրան:
Սրանից առաջ Իրանի պետական հեռուստատեսությունը տեղեկատվություն էր տարածել, որ Ադրբեջանի ՊՆ-ը չեղյալ է հայտարարել Սուլթանովի եռօրյա իրանական այցը:
