Եգիպտական ոստիկանությունն այսօր ցրելու է Մուրսիի կողմնակիցներին. Reuters
Բրիտանական Reuters լրատվական գործակալության փոխանցմամբ՝ եգիպտական ոստիկանությունն այսօր ձեռնարկելու է ակտիվ միջոցներ՝ ցրելու համար նախկին նախագահ Մոհամմեդ Մուրսիի կողմնակիցներին:
Այս մասին գործակալությանը հայտնել են Եգիպտոսի իրավապահ մարմիններում առկա աղբյուրները: Վերջիններիս պնդմամբ՝ անվտանգության ուժերը նախ շրջապատելու են Մուրսիի կողմնակիցներին, ապա վերջին հաշվով ցրելու են նրանց:
Ամերիկյան Associated Press լրատվական գործակալությունը երեկ իր հերթին հայտնել է, որ Եգիպտոսի իրավապահ մարմինների տվյալ գործողությունը սկսվելու է 24 ժամվա ընթացքում:
