Թունիսի բանակը քաղաքացիների համար փակել է մայրաքաղաքի կենտրոնը
Ռուսական ИТАР-ТАСС լրատվական գործակալության փոխանցմամբ՝ Թունիսի կառավարությունն այսօր անցկացնում է արատակարգ խորհրդաժողով՝ կապված երկրում քաղաքական իրավիճակի սրման հետ: Թունիսում իրավիճակը սրվել է հուլիսի 25-ին ընդդիմադիր «Ժողովրդական հոսանք» կուսակցության առաջնորդ, պատգամավոր Մոհամմեդ Բրահմիի սպանվելուց հետո:
Երեկ հրաժարականի դիմում է գրել Թունիսի կրթության նախարար Սալիմ Լաբիեդը, իսկ անցած գիշեր ավելի քան 10.000 մարդ՝ բաժանված գործող իշխանությունների կողմնակից ու ընդդիմադիր ճամբարների, գիշերային ակցիա է անցկացրել մայրաքաղաքում գտնվող խորհրդարանի շենքի առջև:
Ոստիկանությունը միջամտել է գործին և կանգնել նրանց միջև: Ընդդիմադիրները պահանջում են խորհրդարանի ցրում և կառավարության հրաժարական: Որպես բողոքի նշան՝ 52 պատգամավոր դադարեցրել են Թունիսի խորհրդարանի աշխատանքներին իրենց մասնակցությունը:
Թունիսի բանակն այսօր լարափակոցներ է իրականացրել մայրաքաղաքի կենտրոնական հրապարակում և այն հայտարարել «ռազմական փակ գոտի»: Դրա նպատակը իշխանամետների ու ընդդիմադիրների միջև բախումների կանխումն է:
