Սիրիական ճգնաժամն արդեն իսկ սպառնում է Թուրքիայի կայունությանը. Դավութօղլու

Թուրքական Anadolu լրատվական գործակալության փոխանցմամբ՝ Թուրքիայի արտգործնախարար Ահմեթ Դավութօղլուն անդրադարձել է թուրք-սիրիական սահմանին ստեղծված լարվածությանը.

«Թուրքիան իրավունք ունի ձեռնարկել ամեն հնարավոր միջոց՝ իր սահմանների անվտանգության պաշտպանության համար: Սիրիական ճգնաժամն արդեն իսկ սպառնում է ոչ միայն բուն Սիրիայի անվտանգությանն ու կայունությանը, այլր՝ հարևան երկրների, այդ թվում նաև Թուրքիայի կայունությանը:

Այդ պատճառով էլ մենք պետք է ընդունենք անհրաժեշտ միջոցներ՝ մեր սահմանների պաշտպանության համար:  Թուրքիան հանդես է գալիս Սիրիական ճգնաժամի շուտափույթ կարգավորման օգտին, ինչը պետք է ուղեկցվի բնակչության էթնիկ ու կրոնական բոլոր շերտերի իրավունքների պահպանմամբ»: