Samsung-ը 2 նոր պլանշետ է ներկայացրել (լուսանկարներ)
Այսօր Samsung ընկերությունը ներկայացրել է միանգամից 2 նոր Galaxy Tab 3. դրանցից մեկը` 10 դյույմանի է, իսկ մյուսը` 8 դյույմանի:
Ի դեպ, նշվում է, որ որևէ հետաքրքրական բան այդ պլանշետներումչկա, իսկ դրանք նախատեսված են նախնական մակարդակի շուկայի համար: Ութ դյույմանի պլանշետը ունի երկմիջուկանի պրոցեսոր 1.5 ԳՀց հաճախականությամբ, 1.5 Գբ օպերատիվ հիշողություն, ինչպես նաև 16 և 32 Գբ ներկառուցված հիշողություն, որը կարելի է ընդլայնել microSD քարտի միջոցով: Սարքը աշխատում է Android 4.2 օպերացիոն համակարգով:
Մյուս սարքը` 10 դյույմանի պլանշետը, շատ չի տարբերվում վերոնշյալ սարքից: Այն ունի երկմիջուկանի ավելի հզոր պոցեսոր` 1.6 ԳՀց հաճախականությամբ, ընդամենը 1Գբ օպերատիվ հիշողություն: Նշվում է, որ մյուս բնութագրիչները հիմնականում չեն տարբերում 8 դյույմանի մոդելից:
Սարքերի արժեքի մասին դեռևս ոչինչ չի նշվում:
