Իրանը մտադիր է ինքնուրույն արտադրել երկաթուղային ռելսեր
Իրանական IRNA լրատվական գործակալության փոխանցմամբ՝ Իրանը մտադիր է ինքնուրույն արտադրել երկաթուղային ռելսեր և դրա տարեկան արտադրությունը հասցնել մինչև 300.000 տոննա: Նշվում է, որ Իրանը տարվա կտրվածքով կարիք ունի UIC 60 տիպի 150.000 տոննա երկաթուղային ռելսի:
Դա նշանակում է, որ եթե Իրանը տարեկան արտադրի 300.000 տոննա երկաթուղային ռելս, ապա դա ոչ միայն բավարար կլինի ներքին սպառման համար, այլև՝ կարտահանվի: Ռելսերի արտադրության նախագիծը գնահատվում է 150 միլիոն եվրո: Հետագայում Իրանը պլանավորել է երկաթուղային ռելսերի տարեկան արտադրության ծավալը հասցնել մինչև 500.000 տոննա:
Այս տարվա մարտին Իրանի քաղաքային զարգացման և ճանապարհների փոխնախարար Ահմադ Սադեղին հայտարարել էր, որ մոտ ապագայում Իրանում կրկնապատկվելու է երկաթուղիների երկարությունը՝ այն հասցնելով մինչև 20.000 կիլոմետրի: Ներկայումս Իրանի երկաթուղիների երկարությունը կազմում է մոտ 10.000 կիլոմետր:
