Իրանն ազատ է արձակել Թավրիզում ձերբակալված Ադրբեջանի քաղաքացիներից մեկին
Haqqin.az-ի փոխանցմամբ՝ Իրանն ազատ է արձակել ավելի վաղ իրանական հատուկ ծառայությունների կողմից ապրիլի 30-ին Թավրիզում ձերբակալված Ադրբեջանի քաղաքացիներից մեկին: Խոսքը գնում է ադրբեջանցի գիտնական-արևելագետ Խալիդա Խալիդ վարորդ Շամխալ Հուսեյնովի մասին:
Վերջինս մոտ ժամանակներս կվերադառնա Բաքու: Միևնույն ժամանակ Ադրբեջանի ԱԳՆ-ի պաշտոնական ներկայացուցիչ Էլման Աբդուլաևը հայտարարել է, որ իրանական կողմը դեռ չի պատասխանել Խալիդա Խալիդի ձերբակալման և նրան պահելու վայրի կապակցությամբ Ադրբեջանի հղած նոտային:
Աբդուլաևը հավելել է, որ Թեհրանում Ադրբեջանի դեսպանատունը և Թավրիզում Ադրբեջանի գլխավոր հյուպատոսությունն աշխատանքներ են տանում այդ ուղղությամբ: Իրանական ԶԼՄ-ների պնդմամբ՝ Խալիդա Խալիդը, ով պատկերված է լուսանկարում, մեղադրվում է լրտեսության մեջ:
