Եկել էր ընտրության՝ ջնջված անձնագրով

7/13 տեղամասում ընտրության եկել էր մի կին՝ իրեն ուղեկցող մի քանի կանանց հետ, ում անձնագրի՝ կնիքի համար նախատեսված հատվածը կասկածելի տեսք ուներ։ Այնպիսի տպավորություն էր, որ անձնագրի վրա դրված կնիքը սպիտակ թանաքով փորձ է արվել ջնջել։

Երբ հանձնաժողովի անդամները այդ մասին նրան հարց ուղղեցին և ցանկանում էին արձանագրություն կազմել, կին՝ Արմինե Ասատրյանը, և նրան ուղեկցող կանայք այնպիսի մեծ աղմուկ բարձրացրին, որ նրանց հանգստացնելու համար միջամտեցին ոստիկանները։ Իսկ նրան ուղեկցող կանայք դեմ էին, որպեսզի այդ պրոցեսը արձանագրվի լրագրողի կողմից։

Նշենք, որ այս տեղամասում սա արդեն երկրորդ նման դեպքն է այսօրվա ընթացքում։