Հարկերից խուսափելու պատճառով ԵՄ-ի երկրների տարեկան կորուստները հասնում են 1 տրիլիոն դոլարի
Ռուսական ИТАР-ТАСС լրատվական գործակալության փոխանցմամբ՝ երեկ Հելսինկիում անցկացվել է ԵՄ-ում հարկային հանցագործությունների դեմ պայքարի հարցերին նվիրված կոնֆերանս:
Կոնֆերանսի ժամանակ Ֆինլանդիայի ֆինանսների նախարար Յուտտա Ուրպիլայնենը հայտարարել է, որ հարկային մեքենայությունների և հարկային խուսափումների պատճառով ԵՄ-ի երկրների տարեկան կորուստները հասնում են 1 տրիլիոն դոլարի.
«Անհրաժեշտ է փոխել դա: Մեզ անհրաժեշտ է էթիկայի վրա հիմնված շուկայատնտեսություն, որում տեղ չի գտնվի ո՛չ հարկերից, ո՛չ էլ ընդհանուր պատասխանատվությունից խուսափողների համար:
Հարկերից խուսափելու դեմ պայքարը պահանջում է երեք խնդրի լուծում՝ բանկային գաղտնի, կորպորատիվ գաղտնիք և միջպետական գաղտնիք: Հարկերից խուսափելու խնդրի լուծման համար մենք պետք է առավել ակտիվորեն փոխանակվենք տեղեկատվությամբ, և գաղտնիքները պետք է բացահայտվեն»:
