Ադրբեջանն Իսրայելի հետ բանակցում է դեսպանատուն բացելու շուրջ. Մամեդյարով
Ադրբեջանական Trend լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովն այսօր լրագրողների հետ զրույցում մեկնաբանել է Իսրայելում Ադրբեջանի դեսպանատան բացման հարցը.
«Իսրայելում Ադրբեջանի դեսպանատան բացման ուղղությամբ բանակցություններ են տարվում: Ամեն ինչ իր ժամանակին: Բանակցությունները տարվում են, տեսնենք, թե ինչպես կավարտվեն դրանք: Ադրբեջանը շարունակելու է զարգացնել Իսրայելի ու Պաղեստինի հետ իր հարաբերությունները»:
Մամեդյարովը ոչ վաղ անցյալում է վերադարձել իր մերձավորարևելյան շրջագայությունից, որի շրջանակներում նա այցելել է Պաղեստին ու Իսրայել:
Հիշեցնենք, որ տարիներ առաջ Ադրբեջանի նախագահ Իլհամ Ալիևը հայտարարել էր, որ Ադրբեջանի և Իսրայելի հարաբերությունները նման են այսբերգի (սառցալեռ), և որ սովորական աչքերի համար տեսանելի է ադրբեջանա-իսրայելական հարաբերությունների միայն 1/10 մասը:
