Սաակաշվիլին այցելել է Ախալքալաքի հայկական եկեղեցի
Грузия Online-ի փոխանցմամբ՝ Վրաստանի նախագահ Միխեիլ Սաակաշվիլին այսօր այցելել է Ախալքալաքի թիվ 3 միջնակարգ դպրոց և ներկա է գտնվել Վրաստանի պատմության դասընթացին: Նախագահը դպրոցում զրուցել է աշակերտների հետ և ուշադրությունը կենտրոնացրել է երկրի նորագույն պատմության ասպեկտների վրա:
Միխեիլ Սաակաշվիլին այցելել է նաև Ախալքալաքի հայկական եկեղեցի և ներկա է գտնվել պատարագի: Տարածաշրջանի ժողովրդի հետ զրույցում նա անդրադարձել է տարածաշրջանի զարգացման խնդրին՝ առանձնահատուկ ուշադրություն հրավիրելով երկաթուղու կառուցման վրա:
Սաակաշվիլին խոսել է հայ և վրացի ժողովուրդների պատմական բարեկամության մասին և ընդգծել է, որ անհրաժեշտ է խորացնել այդ բարեկամությունը:
