«Բաց դռների օր»՝ Պոլիտեխնիկում
Հայաստանի պետական ճարտարագիտական համալսարանի (Պոլիտեխնիկ) 2013թ. ընդունելության գործընթացի նախապատրաստման և կազմակերպման միջոցառումների ծրագրով նախատեսված են բազմաթիվ հանդիպումներ և միջոցառումներ դիմորդների մասնագիտական կողմնորոշման և ուսանողների հավաքագրման համար: Այդ առիթով, 2013թ. բուհական ընդունելությանն ընդառաջ, ճարտարագիտական համալսարանը (Պոլիտեխնիկ) ս.թ. ապրիլի 17-ին, ժամը 14.30-ին ՀՊՃՀ 2-րդ մասնաշենքի Մեծ դահլիճում (Տերյան 105) կազմակերպում է «Բաց դռների օր» միջոցառումը: Այս մասին 168.am-ին տեղեկացնում են ՀՊՃՀ-ի Հասարակայնության հետ կապերի և տեղեկատվության բաժնից:
Միջոցառման ընթացքում ապագա դիմորդները հնարավորություն կունենան ծանոթանալու`
2013թ. բակալավրական կրթական ծրագրով ընդունելության ճարտարագիտական և ճարտարագիտատնտեսագիտական մասնագիտությունների բնութագրերին, ընդունելության կարգին, ինչպես նաև ՀՊՃՀ կրթական ծրագրերին և ուսումնական գործընթացի կազմակերպման մեխանիզմներին, ինչպես նաև ստանալու իրենց հետաքրքրող հարցերի պատասխանները:
Դիմորդները հանդիպում կունենան ՀՊՃՀ ղեկավարության հետ, որին կհետևի «Պոլիտեխնիկ. հաջողության բանաձև» տեսաֆիլմի ցուցադրումը:
