Իրանի Շիրազ քաղաքում այսօր մահապատժի է ենթարկվել 7 մարդ
Իրանական Mehr լրատվական գործակալության փոխանցմամբ՝ այսօր առավոտյան Իրանի Շիրազ քաղաքում մահապատժի է ենթարկվել 7 մարդ: Նրանցից 4-ը հրապարակավ է ենթարկվել մահապատժի, իսկ մնացյալ երեքը՝ Շիրազի «Ադիլաբադ» բանտում:
Այդ անձինք մահապատժի են եթարկվել, քանի որ մեղադրվել են տների, ոսկեղենի խանութների ու բանկերի վրա զինված հարձակումներ իրականացնելու, ինչպես նաև բռնաբարությունների համար: Նրանց հանցանքները բողոքի ալիք են բարձրացրել Շիրազի բնակչության շրջանում:
Միջազգային ԶԼՄ-ների պնդմամբ՝ նախորդ տարի Իրանում մահապատժի է ենթարկվել 587 մարդ: Նրանց մեծ մասը մահապատժի է ենթարկվել թմրանյութերի մաքսանենգության ու բռնաբարությունների համար: Իրավապաշտպանները կարծում են, որ Իրանում մահապատիժների քանակը շատ ավելին է, քան ներկայացնում է պաշտոնական վիճակագրությունը:
