Սեուլը մերժել է Փհենյանի վերջնագիրը
France-Presse լրատվական գործակալության փոխանցմամբ՝ Հարավային Կորեայի իշխանություններն այսօր մերժել են ԿԺԴՀ-ի վերջնագիրը, որում վերջինս պահանջում էր ներողություն խնդրել Փհենյանի դեմ իրականացրած «թշնամական բոլոր գործողությունների» համար:
Փհենյանը դա ներկայացրել էր երեկ՝ ընդգծելով, որ հյուսիսկորեական կողմի պատասխան միջոցները կձեռնարկվեն առանց նախազգուշացման, եթե Սեուլը ձեռնարկի այնպիսի գործողությունները, որոնք կվիրավորեն ԿԺԴՀ-ի բարձր արժանապատվությունը:
Փհենյանի վերջնագրի մերժման մասին հայտարարել է Հարավային Կորեայի պաշտպանության նախարարության ներկայացուցիչ Կիմ Մին Սոկը. «Դա ցավալի է, որ Հյուսիսը մեր ԶԼՄ-ների հրապարակումներն օգտագործում է մեզ սպառնալիքներ հասցեագրելու համար: Հարավային Կորեան պատրաստ է կոշտ պատասխան տալ ԿԺԴՀ-ի կողմից յուրաքանչյուր սադրանքին»:
