Բարև, ընդդիմադիր բուրժուազիա (լուսանկարներ)
Մայիսի 5-ին Երևանի ավագանու ընտրություններին մասնակցող «Բարև, Երևան» դաշինքը նախընտրական քարոզարշավն իրականացնելու համար կօգտագործի դեղին BMW Z-3 մակնիշի ավտոմեքենա, որի վրա փակցված են դաշինքի տարբերանշանն ու կարգախոսը՝ «Բարև, Երևան»:
168.am-ի հետ զրույցում դաշինքի կազմում ընդգրկված «Ժառանգություն» կուսակցության անդամ Դավիթ Սանասարյանը նշեց, թե մեքենան չի բերվել հատուկ PR ակցիա իրականացնելու նպատակով: Նրա խոսքով՝ այն պատկանում է «Ժառանգության» անդամներից մեկին, որը սկզբնապես դեղին էր, և ավտոմեքենայի վրա պարզապես փակցրել են տարբերանշանի ու կարգախոսի պիտակները:
Դավիթ Սանասարյանը հայտնեց, որ քարոզարշավի իրականացման համար կլինեն նաև այլ ավտոմեքենաներ, բայց տվյալ գունազարդմամբ մեքենայից դաշինքը մեկ հատ ունի:
