«Արևելյան գործընկերության» անդամ երկրների արտգործնախարարների հանդիպումը տեղի կունենա հուլիսին
Ադրբեջանական APA լրատվական գործակալության փոխանցմամբ՝ ԵՄ-ի արտաքին հարցերով խորհուրդն ապրիլի 22-ին քննարկելու է «Արևելյան գործընկերություն» ծրագրում ներառված երկրների արտգործնախարարների հերթական հանդիպման նախապատրաստման հարցը:
Այդ հանդիպումը պետք է տեղի ունենա հուլիսին, Բրյուսելում: Ապրիլի 22-ի նիստը նախագահելու է ԵՄ-ի դիվանագիտության ղեկավար Քեթրին Էշթոնը: Հանդիպման ժամանակ քննարկվելու են նաև ԵՄ-ի անդամ ու գործընկեր երկրների միջև էներգետիկ համագործակցության հարցը:
«Արևելյան գործընկերություն» ծրագրում ներառված երկրների արտգործնախարարների առաջին հանդիպումը տեղի է ունեցել 2009 թվականի դեկտեմբերի 8-ին:
