4 դատավորներ ենթարկվեցին կարգապահական տույժի
ՀՀ վերաքննիչ քաղաքացիական դատարանի դատավորներ Աստղիկ Խառատյանին, Կարեն Չիլինգարյանին և Ամրահի Պետրոսյանին հայտարարվել է նկատողություն` զուգորդված վեց ամիս ժամկետով աշխատավարձի քսանհինգ տոկոսից զրկելով:
ՀՀ Արդարադատության խորհրդի աշխատակազմի հաղորդմամբ, նույնպիսի կարգապահական տույժի է ենթարկվել նաև Երևանի Շենգավիթ վարչական շրջանի ընդհանուր իրավասության առաջին ատյանի դատարանի դատավոր Իշխան Բարսեղյանը:
Վերոհիշյալ որոշումները ՀՀ ԱԽ-ն ընդունել է այսօրվա նիստում՝ ՀՀ արդարադատության նախարարի և ՀՀ արդարադատության խորհրդի կարգապահական հանձնաժողովի կողմից ներկայացված կարգապահական պատասխանատվության ենթարկելու մասին միջնորդությունների հիման վրա:
«Փաստինֆո»
