Շարմազանովը փորձում է աննկատ կերպով «փորել Հովիկ Աբրահամյանի տակը». մամուլ
«Ժողովուրդի»՝ՀՀԿ–ին մոտ կանգնած աղբյուրների փոխանցմամբ՝ վերջերս բավական լարված են ԱԺ նախագահ Հովիկ Աբրահամյանի ևնրա տեղակալ, ՀՀԿ խոսնակ Էդուարդ Շարմազանովի հարաբերությունները։ Ավելին, Շարմազանովը փորձում է աննկատ կերպով «փորել Աբրահամյանի տակն» այնպես, որ Աժ նախագահի դեմ դժգոհության ալիք բարձրանա»,- գրում է «Ժողովուրդ» օրաթերթն ու հավելում.
«Դա նկատվեց ԱԺ քառօրյաների առաջին օրը, երբ Աբրահամյանն ամբիոնից ներկայացնում էր օրակարգը, և ընդդիմադիր պատգամավորները փորձում էին վարման կարգի վերաբերյալ ելույթներով ՀՀԿ-ին տհաճ վիճակի մեջ դնել, Շարմազանովը կոպիտ կերպով ընդհատում էր նրանց ու անջատում խոսափողը։ Նույնը կրկնվեց նաև երեկ։ Ասել է թե՝ ընդդիմադիրներին ԱԺ փոխխոսնակը հանում է Աբրահամյանի դեմ։
Սակայն «Ժողովուրդի» հետ զրույցում Շարմազանովն ասաց, թե ինքը փայլուն հարաբերություններ ունի Հ. Աբրահամյանի հետ, իսկ ընդդիմադիր պատգամավորների խոսափողն անջատելը մեկնաբանեց ԱԺ կանոնակարգ օրենքի պահանջով»։
