Իրանը ստեղծել է գերթեթև և առանց վառելիքի աշխատող օդանավ (լուսանկարներ)
Իրանական Mehr լրատվական գործակալության փոխանցմամբ՝ Թավրիզի համալսարանի գիտնականները ստեղծել են գերթեթև և առանց վառելիքի աշխատող օդանավ: Նախագծի ղեկավար Հասան Աքբարի Լայեղը հայտարարել է, որ օդանավը կշռում է մոտ 500 գրամ, իսկ թևերի բացվածքը կազմում է 1.5 մետր:
Նա հավելել է, որ էլեկտրաշարժիչով թռչող այդ օդանավը թռիչքն արագացնելիս իր քաշը կրճատում է երկու անգամ. «Օդանավը կարող է զարգացնել մեծ արագություն, նրա վրա տեղադրվելու է տեսախցիկ, ինչի շնորհիվ օդանավը կարող է կարճ ժամանակում նկարահանել իր հետաքրքրության գոտում ընկած տարածքը:
Ինքնաթիռի վայրէջք կատարելու համար պահանջվում է շատ փոքր տեղ: Ինքնաթիռն ունակ է ծովի մակերևույթի մոտ պահպանել հավասարակշռություն: Սա գերթեթև օդանավ է, որը թռչում է էլեկտրաշարժիչով՝ առանց վառելիքի»:
