Հյուսիսային Իրաքի քրդերը Թուրքիայի տարածքով արտահանել են նավթի առաջին խմբաքանակը
Թուրքական Dünya Bülteni լրատվական կենտրոնի փոխանցմամբ` Հյուսիսային Իրաքի քրդական ինքնավարությունը Թուրքիայի տարածքով արտահանել է նավթի առաջին խմբաքանակը:
Խոսքը գնում է 30.000 տոննա նավթի մասին, որը գնահատվում է 22 միլիոն դոլար: Այն գնել է Գերմանիայում գործունեություն ծավալած մի ընկերություն: Նշվում է, որ հետագայում ավելացվելու է Թուրքիայի տարածքով «քրդական նավթի» արտահանման ծավալը` հասցվելով օրական մինչև 50.000 բարելի:
Սակայն դրան ընդդիմանում է Բաղդադի կենտրոնական կառավարությունը:
