Ադրբեջանցի զինծառայողները ռազմական դասընթացներ կանցնեն ԱՄՆ-ում ու Գերմանիայում
Ադրբեջանական Trend լրատվական գործակալության փոխանցմամբ՝ Ադրբեջանն ու ԱՄՆ-ն ապրիլին կանցկացնեն համատեղ դասընթացներ: Այս մասին նշված է Ադրբեջանի պաշտպանության նախարարության՝ այսօր տարածած հաղորդագրությունում:
«Ադրբեջան-ԱՄՆ» երկկողմանի համագործակցության պլանի համաձայն առաջին դասընթացները՝ «Խորհրդարան – ռազմական կապեր ու վերահսկողություն» թեմայով անցկացվելու են ապրիլի 9-12-ին, Գերմանիայում:
Բացի այդ, նույն պլանով նախատեսվում է ապրիլի 10-ին ԱՄՆ Սան Անտոնիո քաղաքում սկսել «Մոտոհրաձիգների կապիտաններ» երկամյա դասընթաց և «Հրետանու կապիտաններ» մեկուկես տարվա դասընթաց:
