PKK-ն Թուրքիայի տարածքը կլքի մինչև հունիսի վերջ. Թուրքիայի փոխվարչապետ
Թուրքական Sabah թերթի փոխանցմամբ՝ Թուրքիայի փոխվարչապետ Բեքիր Բոզդաղը հայտարարել է, որ իրենք ակնկալում են, որ «Քրդստանի աշխատավորական» կուսակցության (PKK) մարտիկները Թուրքիայի տարածքը կլքեն մինչև հունիսի վերջ:
Բոզդաղի խոսքերով՝ հեռացող PKK-ի մարտիկների անվտանգության իրավական երաշխիքների որևէ անհրաժեշտություն չկա. «Ավելի վաղ վարչապետ Ռեջեփ Էրդողանը հայտարարել է, որ երաշխավորում է Թուրքիայի տարածքից PKK-ի անդամների անվտանգ ելքը և կարիք չկա ստեղծել իրավական հիմք՝ որպես նրա խոսքերի երաշխիք»:
Հիշեցնենք, որ PKK-ի փաստացի առաջնորդ Մուրադ Քարայըլանը հայտարարել է, որ Թուրքիայի տարածքից PKK-ի մարտիկների դուրս բերումը բավական բարդ գործընթաց է և կավարտվի աշնանը:
Թուրքական մամուլի հաղորդմամբ՝ PKK-ի առաջին հարյուրակն արդեն իսկ լքել է Թուրքիայի տարածքը, ինչն իրականացվել է F-16 կործանիչների ուղեկցությամբ:
