Սուրեն Զոլյան. Ընտրակեղծիքիների մեքենան գոյություն ունի
Քիչ առաջ Ազատության հրապարակում է ելույթ ունեցավ Երևանի Բրյուսովի անվան համալսարանի նախկին ռեկտոր Սուրեն Զոլյանը: Նա հայտարարեց, որ թեպետ ինքը քվեարկել է նախկին թեկնածու Անդրիաս Ղուկասյանի օգտին, բայց, իր խոսքով, դա իրեն չի խանգարում գտնվել այս պահին հրապարակում:
Սուրեն Զորյանը ևս ընդգծեց, որ իշխանության համար դժվարություն չէ բացել պարկերն ու վերահաշվարկ իրականացնել: Երևանի ավագանու ընտրություններին անդրադառնալով՝ Զոլյանը նշեց, որ ինքը կարծում է, որ հիմա այդ ընտրություններին պետք է մասնակցել նոր պայմաններում.
«Նախագահական ընտրությունների համեմատ ի՞նչ է փոխվել՝ հանձնաժողովնե՞րն են փոխվել, թե՞ դատական համակարգը: Ընտրակեղծիքիների մեքենան գոյություն ունի, ոչինչ էլ չի փոխվել: Ուրեմն՝ պետք չէ մոռանալ ամենագլխավորի մասին, ոչ թե մտածել ավագանու ընտրությունների, այլ Րաֆֆի Հովհաննիսյանի հաղթանակը հաստատելու մասին: Միայն այս հարցը լուծելով՝ կարելի է գնալ ավագանու ընտրություններին»:
Նա ավելացրեց, որ Րաֆֆի Հովհաննիսյանը շատ ճիշտ է գործում, բայց անզոր է ազատել մեզ, եթե մենք չենք ուզում ինքնակազմակերպվել:
