Nabucco-ն ու TANAP-ը ստորագրել են համագործակցության հուշագիր
Ադրբեջանական APA լրատվական գործակալության փոխանցմամբ՝ Nabucco Gas Pipeline International GmbH. կոնսորցիումն ու TANAP Doalgaz Iletim A.S. ընկերությունը ստորագրել են փոխըմբռնման ու համագործակցության մասին հուշագիր:
Կողմերը պաշտոնապես հայտարարել են «Հարավային գազային միջանցքի» զարգացման հարցում համագործակցության շուրջ համաձայնության մասին: Փաստաթուղթը ենթադրում է Nabucco ու TANAP նախագծերի միջև տեխնիկական ու ռազմավարական այլ տեղեկտավության փոխանակում, ինչպես նաև տվյալ նախագծերի զարգացմանն աջակցում:
Հուշագիրը նաև ընդգծում է գազի փոխադրման երթուղիների հետագա դիվերսիֆիկացման անհրաժեշտությունը՝ ԵՄ-ի գազային մատակարարումների անվտանգության մեծացման համար:
