Քննադատեցի Էվրային, սակայն կրկնապատկերը դիտելուց հետո մտածեցի՝ այս ի՞նչ եմ ասում. Ֆերգյուսոն
«Մանչեսթեր Յունայթեդի» գլխավոր մարզիչ Ալեքս Ֆերգյուսոնը մեկնաբանել է «Ռեալի» հետ արտագնա հանդիպման արդյունքը (1։1), ինչպես նաև առանձնացրել մադրիդցիների հարձակվող Կրիշտիանո Ռոնալդուի խփած գոլը։
«Ռոնալդուն ֆանտաստիկ գնդակ խփեց։ Այնտեղ անհնար էր ինչ-որ բան անել։ Երբ եկանք հանդերձարան քննադատեցի Էվրային, ով բաց թողեց Կրիշտիանոյին։ Սակայն երբ դիտեցի կրկնապատկերը մտածեցի. «Այս ի՞նչ եմ ասում»։
Ռոնալդուի համար բարդ էր խաղալ իր նախկին թիմի հետ։ Նա հոյակապ հիշողություններ ունի Մանչեսթերում անցկացրած 6 տարիներից»,- Ֆերգյուսոնի խոսքերն է մեջբերում Sky Sports-ը։
Մարզական լրահոսն ապահովում է SportArmenia.com-ը
