Բիձինա Իվանիշվիլին վաղը ներկայացնելու է 100 օրում կառավարության կատարած աշխատանքի մասին հաշվետվությունը
Грузия Online-ի փոխանցմամբ՝ Վրաստանի վարչապետ Բիձինա Իվանիշվիլին վաղը հանրությանն է ներկայացնելու անցած 100 օրվա ընթացքում կառավարության կատարած աշխատանքի մասին հաշվետվությունը:
Այս մասին հայտարարել է Վրաստանի խորհրդարանի՝ մարդու իրավունքների ու քաղաքացիական ինտեգրման հանձնաժողովի նախագահ Էկա Բեսելիան: Վերջինիս խոսքերով՝ Իվանիշվիլին վաղը հանրությանն իրազեկելու է 100 օրվա ընթացքում ձեռք բերված բոլոր արդյունքների մասին:
Նա հավելել է, որ նոր կառավարությունը միտված է նոր բյուջեի կատամանը, և որոշ ժամանակ անց բնակչությունը կզգա նոր իշխանություններից բխող բարեկեցությունը:
