ՀՀԿ-ից Ծառուկյանին դեռ չեն հրավիրել
ԲՀԿ նախագահ Գագիկ Ծառուկյանը ՀՀԿ համագումարին մասնակցելու հրավեր դեռևս չի ստացել: Այս մասին 168.am-ին տեղեկացրեց Գագիկ Ծառուկյանի մամուլի խոսնակ Իվետա Տոնոյանը:
Հարցին, թե հրավերը ստանալու դեպքում ինչպիսի՞ն կլինի ԲՀԿ առաջնորդի պատասխանը, մամլո խոսնակը պատասխանեց. «Կանխատեսումներով ես չեմ զբաղվում, կարծում եմ` որոշումը բացառապես պարոն Ծառուկյանն է կայացնում, երբ ստանա հրավեր, ըստ այդմ էլ որոշում կկայացվի»:
Հաշվի առնելով վերջին շրջանում ՀՀԿ-ԲՀԿ սուր հայտարարությունները` հնարավո՞ր է, որ Գագիկ Ծառուկյանը որոշի չմասնակցել ՀՀԿ համագումարին՝ հարցին էլ, Իվետա Տոնոյանը պատասխանեց. «Կրկնում եմ`քաղաքականության մեջ կանխատեսումներ անելը անշնորհակալ նախաձեռնություն է»:
Հիշեցնենք, որ ՀՀԿ կազմակերպչական հանձնաժողովի նախագահ Ռուբեն Թադևոսյանը երեկ 168.am-ին ասել էր, որ երեկ երեկոյան հրավերները պետք է ուղարկեին քաղաքական ուժերին:
