Անի Քրիստին ԱՄՆ-ում ավտովթարի է ենթարկվել
2010-ից ԱՄՆ-ում բնակվող երգչուհի Անի Քրիստին ավտովթարի է ենթարկվել: Այս մասին հայտնել է երգչուհին՝ Facebook-ի իր էջում տեղադրելով իր ջարդուխուրդ եղած մեքենայի լուսանկարը: Այս մասին տեղեկացնում է tert.am-ը:
Ըստ կայքի` հայտնի է դարձել, որ ավտովթարը տեղի է ունեցել Գլենդելում: Երգչուհին տևական ժամանակ չի պատասխանել հեռախոսազանգերի, ինչը հարուցել է նրա ծանոթների անհանգստությունը: Վերջիններս, մասնավորապես՝ ԱՄՆ-ում բնակվող դերասան Հովհաննես Բաբախանյանը, սկսել են իրենց օգնությունն առաջարկել հենց սոցկայքում:
26-ամյա երգչուհուն առաջնահերթ առաջարկվել է նաև մեքենայի վերանորոգման լավ սրահ, որտեղ կարող է տեսքի բերել այն:
Ավելի ուշ Անին արձագանքել է՝ հավաստիացնելով, որ նա, «փառք Աստծո, լավ» է: Նա նաև առանձին շնորհակալություն է հայտնել Աստծուն՝ իր կյանքը փրկելու համար:
