Լևոն Զուրաբյանը «շեֆություն» է անում
168.am-Ի տեղեկություններով` վաղը` սեպտեմբերի 25-ին, ԱԺ ՀԱԿ խմբակցության անդամներին հրավիրել են խմբակցության արտահերթ նիստի՝ առանց զգուշացնելու նիստի օրակարգի մասին:
Խմբակցության նիստերը սովորաբար տեղի են ունենում հինգշաբթի օրերին, ուստի ՀԱԿ պատգամավորները ենթադրում են, որ արտահերթ նիստը կարող է կապված լինել ԱԺ հանձնաժողովներում ընթացող 2011թ. բյուջեի կատարողականի քննարկումների հետ:
Նշենք, որ այս ընթացքում ԱԺ ՀԱԿ խմբակցությունում հաստատվել է պաշտոնեական հարաբերությունների սուբորդինացիոն համակարգ:
«Թիմակիցներ» համարվող ՀԱԿ խմբակցության անդամների հետ խմբակցության ղեկավար Լևոն Զուրաբյանը հարաբերվում է աշխատակազմի միջոցով:
Լուսանկարը` Գագիկ Շամշյանի
