Սոբչակը երազում Պուտինին է տեսել
Քսենիա Սոբչակը շարունակել է վիրտուալ զրույցը Վլադիմիր Պուտինի հետ, որն սկսվել էր կռունկների առաջնորդի դերում Պուտինի թռիչքից հետո: Այն ժամանակ Սոբչակը Թվիթերում գրել էր, որ ռուսների նման ոչ բոլոր կռունկերն են ցանկացել թռչել Պուտինի հետևից:
Պուտինը պատասխանել էր կարճ առակով. «Չեն թռել միայն թույլ կռունկները»:
Սոբչակը դրան պատասխանել էր երազում Պուտինին տեսնելու պատմությամբ:
Պատմվում է, որ օգոստոսի 21-ի գիշերը Սոբչակը երազ է տեսել` իբր գնում է նախագահի հետ երկար սպասված հանդիպմանը: Հանդիպման ժամանակ նախագահը ասում է, որ փորձում է երկիրը հետ պահել պատերազմից: Խոսում է նաև ընդդիմության մասին, որոնցից շատերը ոչնչով չեն տարբերվում նրանցից, ում դեմ պայքարում են:
«Դու կարծում ես քո նոր ընկերները չե՞ն գողանալու: Կգողանան ավելի շատ… Իսկ դու ընդհանրապես ո՞ւր ես մտել: Կարծում ես նրանք քեզ կխղճա՞ն: Մի մասն արդեն քեզ բացահայտ դավաճանել է: Եվ դա միայն սկիզբն է… Դու նրանց պետք ես, որ ինձ վնասես: Թե՞ դու ուղեղ չունես դա հասկանալու»,- մեջբերում է Սոբչակը սեփական մտքերը` նախագահի միջոցով:
«Պատմության մեջ իմ զրուցակիցը հաստատ կմնա որպես միապետ, ազատության խեղդող: Գուցե նա պատրաստ է իր վրա կրել այդ դաժան պատմական խաչը ոչ թե հանուն փողի կամ ամրոցների, այլ մեռնող Ռուսական կայսրության պահպանման համար… Պարզապես եկեք մի պահ պատկերացնենք , որ դա այդպես է»,- պատմվածքն ամփոփել է Սոբչակը:
