Նոր հրթիռը С-400 ԶՀՀ-ի խոցման հեռահարությունն ավելացրել է գրեթե կրկնակի
Ռուսական ТАСС լրատվական գործակալության փոխանցմամբ` ՌԴ ՊՆ-ը փորձարկել է С-400 զենիթա-հրթիռային համալիրի համար նոր հրթիռ: Այս մասին հայտարարել է Ռուսաստանի Օդա-տիեզերական պաշտպանության զորքերի հրամանատարի տեղակալ, գեներալ-մայոր Կիրիլ Մակարովը:
Ռեակտիվ նոր արկը գրեթե կրկնակի կմեծացնի համալիրի խոցման հեռահարությունը: Գեներալն ընդգծել է, որ սպառազինության մեջ նոր հրթիռի ընդունմամբ, որի փորձարկումներն իրականացվում են այսօր, С-400-ի խոցման հեռահարությունը կհասնի մինչև 400 կիլոմետրի: Նա մանրամասնել է, որ ընթացիկ վիճակում համալիրն ունակ է խոցել մինչև 250 կիլոմետր:
Փորձարկման ընթացքում հրթիռն արձակվել է գրեթե առավելագույն հեռահարության վրա և հաջողությամբ խոցել է թիրախը: С-400 զենիթա-հրթիռային համալիրը (С-400 Триумф) սպառազինության մեջ ընդունվել է 2007 թվականին: Ներկայումս Ռուսաստանում ծավալվել է այդ համալիրների 19 դիվիզիոն (152 արձակման սարք):
