Սիրիան եւ Թուրքիան մտադիր են ստեղծել ազատ տնտեսական գոտի Իդլիբում
Սիրիանի եւ Թուրքիան բանակցություններ են վարում Իդլիբ քաղաքում եւ արաբական հանրապետության համանուն շրջանում համատեղ արդյունաբերական զարգացման համար ազատ տնտեսական գոտի ստեղծելու շուրջ։ Այս մասին հայտնել է Սիրիայի նախագահ Ահմեդ ալ-Շարաան թուրքական Anadolu լրատվական գործակալության հարցազրույցում։
«Սիրիայի եւ Թուրքիայի միջեւ կան տարածաշրջանային ինտեգրման զգալի հնարավորություններ. Սիրիան ծառայում է որպես կամուրջ Արեւելքի եւ Արեւմուտքի միջեւ։ Ներկայում աշխատանքներ են տարվում Իդլիբում սիրիա-թուրքական ազատ տնտեսական գոտի ստեղծելու ուղղությամբ, որտեղ կարող են համատեղ զարգանալ արդյունաբերության առաջնահերթ ճյուղերը»,- նշել է սիրիացի առաջնորդը։
Նրա խոսքով՝ Իդլիբը նման նախագծի համար ամենաօպտիմալ շրջանն է՝ թուրքական սահմանին մոտ լինելու եւ Դամասկոս, Հալեպ եւ Լաթաքիա տանող հիմնական մայրուղիների կենտրոնացման շնորհիվ։
Ալ-Շարաան ավելացրել է, որ Սիրիայի կառավարությունը՝ իր թուրք գործընկերների աջակցությամբ, ներկայում ակտիվորեն ներդրումներ է կատարում արաբական հանրապետության օդային եւ ծովային ենթակառուցվածքի վերակառուցման գործում՝ իր լոգիստիկ հնարավորություններն ընդլայնելու համար։
