«Ալիևը նախ հույս չի տվել, որ այս պայմանագիրը ստորագրելու է, քանի իր բոլոր պայմանները չի կատարել ՀՀ իշխանությունը։ Սահմանադրությունը փոխելու, օրինակ, Վազգեն սպարապետի արձանը բոլոր տեղերից հանելու, Վազգենին, Մոնթեին ու մյուս հերոսներին արժեզրկելու… Եվ աստիճանաբար հասնելու են նրան, որ բոլոր հերոսներին, մշակութային արժեքները փորձելու են ջնջել։ Միայն դրանից հետո Ալիևը կասի՝ եկեք ստորագրենք։ Միշտ ասել եմ՝ Ալիևը հեշտությամբ խաղաղության պայմանագիր չի ստորագրելու»։
Մարտի 18-ին Նիկոլ Փաշինյանը գնացել էր Տավուշի մարզ, հանդիպել սահմանամերձ գյուղի բնակիչների հետ, հայտնել, որ տարածքներ պետք է հանձնվեն Ադրբեջանին, «այն տարածքները, որոնք հայկական չեն», հիմնավորելով, որ եթե այդ քայլին չդիմեն, վաղը կարող է Ադրբեջանը դիմի պատերազմի։
Այսօր խորհրդարանում լրագրողների հետ ճեպազրույցում ԱԺ «Հայաստան» խմբակցության պատգամավոր Արմեն Ռուստամյանը հիշեցրեց, որ վերջերս Նիկոլ Փաշինյանն այցելել էր Տավուշի մարզ, որտեղից պատրաստվում է թշնամուն տարածքներ տալ ու մարդկանց ահաբեկել էր պատերազմով։ Հետևաբար, եթե այսօր թշնամու կրակոցներն իշխանության ներկայացուցիչները որակում են՝ որպես «հիստերիկ կրակոց», ու դրա տակ վտանգ չեն տեսնում, թող քաղաքացիներին պատերազմով չսպառնան։
