168.am-ի հետ զրույցում Հայկ Մամիջանյանի ներկայացուցիչ Սլավիկ Պողոսյանը նշեց՝ քրեական գործը, որով Հայկ Մամիջանյանի նկատմամբ խափանման միջոց է ընտրված եղել, արդեն իսկ կարճված է, իսկ խափանման միջոցը՝ վերացված: Քրեական գործը վերաբերել է 11 անձի և հարուցված է եղել նախկին ՀՀ քրեական օրենսգրքի 225․1-րդ հոդվածի 1-ին մասով, որը պատասխանատվություն էր նախատեսում օրենքով սահմանված կարգի խախտմամբ հավաք կազմակերպելու և անցկացնելու համար։ Նշված անձանց նկատմամբ քրեական հետապնդումը դադարեցվել է՝ վերջիններիս արարքներում հանցակազմ չլինելու հիմքով։
