Օրերս Կ․ Ստանիսլավսկու անվան ռուսական դրամատիկական թատրոնում տեղի ունեցավ Ֆեոդոր Դոստոևսկու «Ծիծաղելի մարդու երազը» հայտնի ստեղծագործության հիման վրա բեմադրված պլաստիկ դրամատիկական ներկայացման առաջնախաղը՝ Իննա Հախնազարյանի ռեժիսուրայով։ Բեմում ներկայացվեց մարդու յուրահատուկ ներքին ճամփորդությունը, երբ մարդն ինքն իր հետ է և լույս է փնտրում։
«Կարծում եմ՝ յուրաքանչյուր ներկայացման մեջ լույս է պետք, որպեսզի հանդիսատեսն այդ լույսով տուն գնա, քանի որ յուրաքանչյուր մարդ գալով թատրոն, ուզում է հանգստանալ, ստանալ էմոցիաներ։ Ես սա հաստատ գիտեմ՝ որ մարդկանց դրականն է պետք, որ այնպես չլինի՝ ներկայացումը տեսնելուց հետո, ասի՝ գնացինք, չնայած այդպես էլ է լինում բոլոր թատրոններում ու ամբողջ աշխարհում։ Պետք է նա տուն գնա այն մտքերով, որոնք, հնարավոր է, նրան վաղն օգնեն ճիշտ ճանապարհին կանգնելու։
