Այսօր Մասիս համայնքի ավագանին արտահերթ նիստ էր հրավիրել՝ նոր համայնքապետ ընտրելու համար։ Համայնքապետի միակ թեկնածուն «Դավիթ Համբարձումյան» դաշինիքի կողմից առաջադրված թեկնածու Նորայր Հակոբյանն էր, նա համայնքապետ ընտրվեց ավագանու առավելագույն՝ 15 կողմ ձայնով։
Հանրային, քաղաքական գործիչ Էդգար Ղազարյանն այսօր դարձյալ Ազգային ժողովում էր, այս անգամ՝ Ազգային ժողովի Ֆինանսավարկային և բյուջետային հարցերի մշտական հանձնաժողովի հետ Նիկոլ Փաշինյանին անվստահություն հայտնելու (իմպիչմենտի) գործընթացի մասին զրուցելու ակնկալիքով։
