Համալսարանն այդպես էլ չավարտած Նիկոլ Փաշինյանն առանց աչք թարթելու՝ ուղիղ հայտարարում է, որ 44-օրյա պատերազմում ավելի քան 5000 զոհերի գնով ինքը գիտելիք է ստացել, բացել է աչքերը, ինչ-որ բաներ է հասկացել։ Թե ինչ է անում այդ գիտելիքի ու հասկացածի հետ, որտեղ և ինչպես է ձևակերպում, որևէ նշանակություն չունի։
Իրար հետ դեռևս հակամարտության մեջ գտնվող երկու երկրների ղեկավարների գրեթե համաժամանակյա այս հայտարարությունները հերթական անգամ ցույց են տալիս, որ Հայաստանի իշխանության փառաբանած «Խաղաղության պայմանագիրն» իրականում պատերազմի մասին է ու նման պայմաններով ստորագրվելու դեպքում վաղ թե ուշ հանգեցնելու է պատերազմի։
