Պետգնումների էլեկտրոնային համակարգից տեղեկանում ենք՝ օրերս Տավուշի մարզպետ Վահե Ղալումյանի աշխատակազմը մեկ անձ ընթացակարգով պայմանագիր է կնքել «Ստանդարտ շին» ընկերության հետ, որը պետք է իրականացնի Տավուշի մարզպետարանի դահլիճի հատակի վերանորոգման աշխատանքները: Պայմանագիրը կնքվել է սեպտեմբերի 7-ին, գինը 1 միլիոն 200 հազար դրամ է:
Առողջապահության նախարար Անահիտ Ավանեսյանի ընտանիքին առնչվող դեղագործական ընկերությունը՝ «Արմֆարմացիա» ՓԲԸ-ն, մնում է պետական կառույցների «սրտի մատակարարը»՝ պահպանելով առաջատարի դիրքերը պետական գնումների մրցույթների «հաղթարշավում»:
